Helene Maria Hajek: Da Neid
1. Da Neid, da Neid, der frisst die Leit,
da hab i sicha Recht,
und hat ona oan Neid auf di,
dann macht er die glei schlecht.
2. Er lasst an dir koa guades Haar
und draht die Wahrheit um -
wias´das machst, und wiast di tragst,
er nimmt da alles krumm.
3. Die Neida, ja die gibt´s ea vül,
des hab i selbm erfahrn -
nur tuan die mir heit nimmer weh,
i denk ma – die san arm.
4. I sing, i lach und i bin froh
und lass die Neida redn.
Machen Sie´s wia i a so,
dann gfreid Ihna a des Lebn.